دوختۇرنىڭ مۇخبىرغا ئېيتىشىچە، ھەر يىلى دەم ئېلىش مەزگىلىدە قۇرامىغا يەتمىگەن ئوقۇغۇچىلار كېلىپ شەكىل تۈزەش توغرىسىدا مەسلىھەت سورايدىغان بولۇپ، ئەڭ كىچىكى ئاران 11 ياشتا ئىكەن، ئۇنىڭ ئۈستىگە ئۇلار مەسلىھەت سورىغان شەكىل تۈزەش تۈرلىرىمۇ ھەر خىل بولۇپ، ئەڭ ئاساسلىق قوش قاپاق چىقىرىش، بۇرۇن كۆتۈرۈشتىن تارتىپ خەتىرى ئىنتايىن يۇقىرى بولغان تۆۋەنكى ئېڭەكنىڭ جاغ بۇلۇڭىنى كىچىكلىتىش، ياڭاق سۆڭىكىنى ئىچىگە كىرگۈزۈش قاتارلىقلارغىچە ناھايىتى كۆڭۈل بۆلىدىكەن. بۇنداق مەسلىھەت سورىغۇچىلارنى دوختۇر ئاساسەن نەسىھەت قىلىپ قايتۇرۇۋېتىدىكەن.
دۆلىتىمىزدە 18 ياشقا توشمىغان ياش-ئۆسمۈرلەر چوقۇم ئاتا-ئانىسىنىڭ ھەمراھلىقىدا شەكىل تۈزەش-ھۆسن گۈزەللەشتۈرۈش توغرىسىدا مەسلىھەت سورىشى ۋە داۋالىنىشى كېرەك، دەپ ئېنىق بەلگىلەنگەن. لېكىن بەزى ياش - ئۆسمۈرلەر قۇرامىغا يەتكەن دوستلىرىنى ئاتا-ئانىسى قىياپىتىگە كىرگۈزۈپ بارسىمۇ، بەزى مۇنتىزىم بولمىغان تېببىي ھۆسن تۈزەش ئاپپاراتلىرى بىمارلارنىڭ سالاھىيەت ئۇچۇرىنى تەكشۈرۈشتە قاتتىق بولمىغاچقا، بىر قىسىم ياش-ئۆسمۈرلەرنىڭ بالدۇر ھۆسن تۈزەش ئوپېراتسىيەسى قىلدۇرۇشىنى كەلتۈرۈپ چىقارغان.
دوختۇرنىڭ تونۇشتۇرۇشىچە، قۇرامىغا يەتمىگەنلەرنىڭ يۈز سۆڭىكى ۋە مۇسكۇللىرىنىڭ يېتىلىشى تېخى تولۇق بولمىغانلىقتىن، بالدۇر شەكىل تۈزەش ئوپېراتسىيەسى قىلدۇرسا، خەتىرى ئىنتايىن چوڭ بولىدىكەن.